हल्दिवारीमा छुरा प्रहार ,घाइतेको बिएण्सी अस्पतालमा उपचार हुदै !

हल्दिवारी गाउँपालिका ५ नम्बर वडा शान्ति चोक बस्ने जसबहादुर राई छुरा प्रहारबाट घाइते भएका छ्न ।जलथल प्रहरी चौकीका प्रमुख असइ भरत कोइरालाले दिएको जानकारी अनुसार हिजो दिउँसो ११ बजे उक्त घटना घटेको र छुरा प्रहार गर्ने सोही ठाउँका ६५ बर्षिय कुलबहादुर राईलाई नियन्त्रणमा लिइ जिल्ला प्रहरी कार्यलय झापा पठाइएको छ।

घाइते जसबहादुरको अहिले बिएण्सी अस्पताल बिर्तामोडमा उपचार भइ रहेकोे र उनको अवस्था सामान्य रहेको प्रहरीले जनाएको छ।

स्थानीयका अनुसार अत्यधिक मादक पदार्थ सेवन गरेका दुबैको लकडाउनको बिषयमा सामान्य वादविवाद हुँदा कुलबहादुरले जसबहादुरलाई बायाँ कोखमा छुरा प्रहार गरेका थिए