मिना राजबन्सी :बनियानी/ झापामा केही दिनअघि अंपु आधिको प्रभाव स्वरुप शुरु भएको मौसमी बदलावले शुरु गरेको वर्षा र हुरीबत्तास थामिएको छैन् । दिन विराएर तथा रातको समयमा चट्याङ, हुरीबत्तास सहित वर्षा भैरहेको छ । मौसममा आएको यो परिवर्तन पश्चिमी वायु र स्थानीय वायुको प्रभावले अझै तीन दिन बदली सहित वर्षा जारी रहने सम्भावना रहेको मौसम पूर्वानुमान महाशाखाले जनाएको छ ।
राससले दिएको समाचार अनुसार हाल नेपालमा पश्चिमी वायुको आंशिक प्रभाव रहनुका साथै नेपालको पूर्वी भूभाग नजिक बनेको निम्न चापीय रेखा र स्थानीय वायुको प्रभावले बदलीसँगै मेघगर्जन, हावाहुरी चट्याङसहित वर्षा भइरहेको मौसम पूर्वानुमान महाशाखाले जनाएको छ । उक्त मौसमी प्रणाली अझै विकसित हुने क्रममै रहेकाले आगामी तीन दिन देशभर वर्षाको सम्भावना रहेको मौसमविद् विभूति पोखरेलले बताइन् ।
दिउ“सो देशभर सामान्य बदली रही देशको धेरैजसो स्थानमा मेघगर्जन, हावाहुरी चट्याङसहित वर्षाको सम्भावना रहेको मौसम पूर्वानुमान महाशाखाले जनाएको हो । भोली शनिबार देशको पूर्वी र पश्चिमी भूभाग लगायत मध्य पहाडी भूभागमा सामान्य बदली रही देशको केही स्थानमा मेघगर्जन, चट्याङ र हावाहुरी सहित वर्षाको सम्भावना रहेको छ ।
आइतबार देशको पहाडी भूभागमा सामान्य बदली रही बाँकी भूभागमा आंशिक बदली रही पहाडी भूभागका धेरैजसो स्थानमा मेघगर्जन, चट्याङ र हावाहुरीसहित वर्षाको सम्भावना रहेको मौसम पूर्वानुमान महाशाखाले जनाएको छ ।
