काठमाडौं- स्पेनिस ला लिगा अन्तर्गत भएको खेलमा बार्सिलोनाको फराकिलो जित हासिल गरेको हो । निकै रोमान्चक बनेको उक्त खेलमा बार्सिलोनाले भिल्लारियाललाई ४ १ गोलले पराजित गरेको हो । उक्त खेलमा बार्सिलोनालाई जिताउन लुइस स्वारेज, एन्टोइन ग्रिजमन र अंन्सु फाटीले एक एक गोल गरे भने एक गोल उपहार पायो ।
खेलको तेस्रो मिनेटमा भिल्लारियालका टोरेसले आफ्नै पोष्टमा गोल गर्दा बार्सिलोनाले अग्रता पायो । त्यसपछि खेलको १४ औं मिनेटमा भिल्ला रियलका जेरार्ड मोरिनोले गोल गरी टिमलाई बराबरीमा पुर्याए ।
त्यसपछि खेलको २० औं मिनेटमा बार्सिलोनाका लुइस स्वारेजले गोल गरे । उनले लियोनल मेस्सीको पासमा गोल गरेका हुन् । त्यसपछि खेलको ४५ औं मिनेटमा ग्रिजमनले गोल गरे ।
त्यसपछि दोस्रो हाफमा खेलको ७२ औं मिनेटमा मैदान प्रवेश गरेका फाटीले ८६ औं मिनेटमा गोल गरी बार्सिलोनालाई जित दिलाए । जितसँगै बार्सिलोनाले शीर्ष स्थानको रियालसँगको दूरी चार अंकमा झारेको छ ।बार्सिलोनाले ३४ खेलमा ७३ अंक बनाएको छ ।
