नेपालमा कोरोनाबाट ज्यान गुमाउनेको संख्या ७० पुग्यो !

काठमाडौं । सरकारले हालसम्म कोरोनाभाइरस(कोभिड १९)बाट ज्यान गुमाउनेको संख्या ७० पुगेको जनाएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा कोरोनाभाइरसबाट ५ जनाले ज्यान गुमाएसँगै मृतकको संख्या ७० जना पुगेको जानकारी दिए ।

मन्त्रालयकाअनुसार पछिल्लो २४ घण्टामा ज्यान गुमाउने सबै पुरुष रहेका छन् । जसमा पर्सा वीरगन्ज महानगरपालिका ९ माइस्थान बस्ने ४५ वर्षीय एक पुरुष, वीरगन्ज महानगरपालिका ११ श्रीपुरका ७९ वर्षीय एक पुरुष, वीरगन्ज महानगरपालिका ११ श्रीपुरका ५७ वर्षीय पुरुष, सिरहा गोलबजार नगरपालिका १२ बस्ने २५ वर्षीय एक पुरुष र सर्लाही जिल्ला बसन्तपुरका ४५ वर्षीय एक पुरुष रहेका छन् ।