लकडाउनमा फस्टायो सुर्तीको किलो तस्करी, प्रहरीसकृयतता तिव्र

 देवेन्द्रकिशोर ढुंगाना झापा । समुदायमा कोरोना संक्रमण फैलिएपछि जिल्ला प्रशासन कार्यालय सुनसरीले जिल्ला भरी निषेधित क्षेत्र घोषणा गर्नुका साथै अधिकांश स्थानीय तहहरुले आफ्नो क्षेत्रमा लकडाउन जारी राखेको बेला दिनदिनै तस्करीका घटनाहरु सार्वजनिक भईरहेका छन ।

लकडाउनकै बेला राजमार्ग सुनसान भएको अवस्थामा इटहरी प्रहरीले पाँच लाख मुल्य बराबरको अवैद्य सुर्तीसहित २ वटा टेम्पो बरामद गरेको छ । इटहरी उपमहानगर वार्ड नं ७ बज्राहाबाट ईलाका प्रहरी कार्यालय इटहरीले सोमबार बिहान ४ बजे लुकिछिपि बिक्री गर्नका लागि ल्याइएको ११ बोरा ( २७५ किलो ) अवैध सुर्ति बरामद गरेको हो । सुनसान राजमार्गमा टेम्पो रोकिराखेको देखेर शंका उत्पन्न भइ चेकजाँच गर्दा सो परिमाणको अवैध सुर्ती बरामद भएको ईलाका प्रहरी कार्यालय इटहरीले जनाएको छ ।

इटहरीको मुख्य चौकमा प्रहरीले चेकिङ कडाई बनाएपछि भित्रिबाटो हँुदै गाउँसम्म पु¥याउने उद्देश्यले बिक्रिका लागि लाने क्रममा सुर्ति बरामद भएको प्रहरीले जानकारी दिएको छ । प्रहरीले सुराकी पाएको पत्तो पाएपछि टेम्पो चालक फरार रहेको ईलाका प्रहरी कार्यालय इटहरीले जनाएको छ ।

प्रहरीले सुर्ति सहित को २ ह २३८६ र को १ ह ८५६२ नंको टेम्पो समेत बरामद गरेको छ । बरामद गरिएको अवैध सुति र २ टेम्पोलाइ भन्सार कार्यालय सुनसरीलाई बुझाइएको प्रहरीले जानकारी दिएको छ । त्यसअघि पनि सुनसरी प्रहरीले भारतसँग सीमा जोडिएका दक्षिणवर्ती क्षेत्रहरुबाट यही महिना तीन पटक गरी ठूलो परिमाणमा सुर्ति बरामद गरेको थियो ।,