अभिनेत्री निरुता सिंहको आज जन्मदिन

काठमाडौँ । नेपाली चलचित्र क्षेत्रकी चर्चित अभिनेत्री निरुता सिंहको आज जन्मदिन परेको छ । सन् १९७२ सेप्टेम्बर २६ तारिखका दिन उनको जन्म भारतको, दार्जिलिङमा भएको थियो ।

यस आधारमा आज उनी आफ्नौ ४८ औं जन्मदिन मनाउँदैछिन् । जन्मदिनको अवसरमा यनलाई बिहानैदेखि शुभकामना दिनेको ओइरो लागेको छ ।

सन् १९९३ मा तुलसी घिमिरेको चलचित्र ‘दक्षिणा’ मार्फत निरुता नेपाली चलचित्र क्षेत्रमा प्रवेश गरेकी थिइन् । नेपाली चलचित्र क्षेत्रमा सर्वाधिक सफल चलचित्र दिने अभिनेत्रीमा निरुता पर्छिन् ।

शिव श्रेष्ठ, भुवन केसी, राजेश हमाल, श्रीकृष्ण श्रेष्ठ, निखिल उप्रेती, दिलीप रायमाझी, उत्तम प्रधानलगायत अभिनेतासँग निरुता सिंहको जोडी निकै जमेको थियो ।