प्रिक्वाटरफाइनलको पहिलो लेगमा आर्सनल विजयी भएको छ।

      गएराति भएको खेलमा ओलम्पियाकोसलाई ३–१ गोलअन्तरले पराजित गर्दै आर्सनलले क्वाटरफाइनल प्रवेशको संभावना बलियो बनाएको हो। आर्सनलका लागि मार्टिन ओएडेगार्डले ३४ औं मिनेटमा गोल गर्दै टिमलाई अग्रता दिलाए। ५८ औं मिनेटमा ओलम्यिाकोसका युसेफ अल अरबीले गोल गर्दै खेल बराबरीमा ल्याए। ८० औं मिनेटमा गाब्रिएल र ८५ औं मिनेटमा मोहम्मद इल्नेनीले गोल गर्दै आर्सनललाई ३–१ गोलको जित दिलाएका हुन्।

दोस्रो लेगमा दुई टिमबीच आगामी विहीबार प्रतिष्पर्धा हुनेछ। गएराति नै भएका प्रिक्वाटरफाइनलको पहिलो लेगमा ग्रानाडाले मोल्देलाइ २–०, रोमाले सख्तर डोनेस्कलाई ३–० र टोटेनहम हट्स्परले डाइनामो जाग्रिबलाई २–० ले पराजित गरेका छन।