चर्चित अभिनेता विक्रम गोखलेको ८२ वर्षको उमेरमा निधन भएको छ । अभिनेताले आज दिउँसो पुणेको एक अस्पतालमा अन्तिम सास लिए। उनको आजै साँझ पुणेको वैकुण्ठ श्मशान गृहमा अन्तिम संस्कार गरिने छ । पछिल्ला केही दिनदेखि अभिनेतालाई पुणेको दीनानाथ अस्पतालमा भर्ना गरिएको खबर आएको थियो ।
उनको उपचार भइरहेको थियो । अवस्था अलि नाजुक थियो । तर, डाक्टरहरुले उनलाई बचाउन सक्दो प्रयास गरिरहेका थिए । विक्रम गोखलेका साथी राजेश दाम्लेले पनि यसबारे जानकारी दिँदै विक्रमको अवस्था चिन्ताजनक रहेको र उनको निधन नभएको बताए । तर पुष्टि भएका रिपोर्टमा अभिनेताले आज दिउँसो अस्पतालमै अन्तिम सास लिएको बताइएको छ ।
तर, परिवारबाट अहिलेसम्म कुनै प्रतिक्रिया आएको छैन । न त साथी राजेश दामलेले यसबारे जानकारी दिएका छन् ।अस्पतालले अभिनेताको स्वास्थ्यसँग सम्बन्धित अपडेट पनि दिएको थियो, जसमा उनी भेन्टिलेटरमा रहेको लेखिएको थियो । अभिनेताको करियरको कुरा गर्दा, विक्रम गोखलेले धेरै बलिउड हिट फिल्महरूमा आफ्नो क्षमता प्रमाणित गरिसकेका छन्।
चर्चित अभिनेताले २६ वर्षको उमेरमा मात्रै अभिनयको दुनियाँमा प्रवेश गरेका थिए । उनले सन् १९७१ मा बलिउडमा डेब्यू गरेका थिए । उनले पहिलो फिल्म अमिताभ बच्चनसँग गरेका थिए ।
फिल्मको नाम ‘परवाना’ थियो । विक्रम गोखले ब्लकबस्टर फिल्म ‘हम दिल दे चुके सनम’का लागि परिचित छन् । फिल्ममा विक्रम गोखलेले ऐश्वर्या रायको बुवाको भूमिका निभाएका थिए । यसपछि अभिनेताको ‘खुदा गवाह’ र ‘अग्निपथ’मा निकै रुचाइएको थियो ।
