कविता : पँगरी दिबस

–  जोगेन्द्र प्रसाद राजवंशी

हामार खाँन्कीलाअ् .. इङ्लिस्
हामार पर्नालाअ् .. इङ्लिस्।
हामार बेरानीलाअ् .. इङ्लिस्
हामार लरानीलाअ् .. इङ्लिस्।।
इङ्लिसे खाले रे . .हामार जाँन,
ढुकिए सभाए ..इङ्लिसते हामा
अन्छाईना .. हामारे पहिचान ।।
जानुवारला .. उठाँचे आझी,

आफ्ना-आफ्नी ..टुपी धरिए।
हामाअ भी त् .. साँजिना आझीए,
पगरी दिवसेर .. सलाम करिए।।
यै इङ्लिसे हामार.. कि कर्बे
बचाबे नाँनी .. हामारे जाँन ?
जात-भाई .. सभाए मिल्ले
उठुवा पारे .. पगरीर सालाम ।।
रिती संस्कार .. चिन्हुवा लागे,

उठाले जदी .. पगरी धरिए।
हालुवा गिर्हस .. हामार पहिचान
उठाईना हामाअ् .. जँज्कार करिए।।
ईङ्लिसेर .. भित्रते हबे,
दादा-भाईर .. एक्टा चिन्जान।
गुर्गुरीया हए .. हामा बेराले,
हामाक चिन्हिए ..काँहे कर्बे सम्मान ।।
आझीए त आसिचे .. ईङ्लिस बच्छर

2023 सेर नयाँ .. शुरुवात करिए।
जाँगोक जाँगोक .. ईष्टजन सभाए
जोर- हाते सँपेचु ..भक्ति करिए।।
 इङ्लिस बच्छर 2023 सेर सभाके हृदय से शुभकामना  
कचनकवल – ३, दल्की झापा
हाल – मलेशिया