( बिसंगती कविता )
***************
नाँकत नाई, फुल कन्शी ..काँनत नाई ,कन्शी,
काँहे कहबे रे ,तोक .. आदिबासीयार जात ?
बेटीर धाँए-धाँए गाला .. पेटानीत मेक्सीर हाँला,
उर्हन-पिर्हनलाए कहचे .. तुई हईस ,कुन जात!!
तुई कुन बन्शी ????
सत्ताते पुग्लोना,सातबन्शी ..ना राजनीतिकेर हाँतबन्शी
जागीर सागीर नि अन्छाए रे ..बेनालो भेमरोलेर छाँत।
जाग्गाते बेनालो सुकुम्बासी ..हदबन्दीर बेनालो दासी,
गाँअ-बस्ती भाँङ्गिए रे .. किशेर फेर करेची आँस ??
तुई कुन बन्शी ????
माछुवारेर होलोना माच बन्शी ..ना हाँसुवारे हाँस बन्शी,
सिदल सुक्टा लाअ तोर .. हाराचे रे पहिचानेर आँस।
कुन्हा पाबो फुदगो पेल्का , कुन्हा पाबो पन्ता- खर्खरा,
खानपान लात् बन्लो तुई .. पोरेर घरेर परुवा दास।।
तुई कुन बन्शी ????
ना उठालो जातजातीक् ..भाषा धर्मलाक एकेडा भाँतीत,
झापा, मोरङ, सुनसरी रक् ..छिर्याए कर्लो रे नाँश।
जात भाईसे नि मिलिएने .. तुहे रहलो फेर फुँलिएने,
तुई काँहार घरेर ना .. चाँखिएने बेरालो रे भात??
तुई कुन बन्शी ????
ना बन्लो माँचेर बन्शी .. ना बन्लो भाँला-माँन्शी,
दादा-भाईलाक देखिए .. किँच्लाए बेरालो रे दाँत?
ना छुकुन फेर मिलापत्र .. गफला तोर केत्र केत्र,
ना जानिए बुझिए रे .. जुरिचित तुई बन्शीर फाँस।।
तुई कुन बन्शी ????
कचनकवल :-३ , दल्की, झापा
हाल :- मलेशिया
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
