बिसंगती कविता
कुन्हान गेलन ए .. देउनीया जिमिन्दारला
तम्हार घरबारीला .. कुन्हा ते ?
कुन्हान फिँकालन .. स:स बिघा जमीन ,
तम्हाक् भक्ति दिँम् .. कुन्हाते ??
जाँहे कोहोल देउनीया .. खुल्लन कटीर तेऊना
उहाँरे बादे , मर्लो रे .. हुन्हुनाते।
हामा डाकाईस्न तोक .. काका जेठो करे ते,
अैदिना तोर , ध्यान छिले .. कुन्हा ते??
बेनुवा चाहिस्लो तुई .. हुकुमी शासन ब्यबस्था,
तोर उलाँ , बस्ती छे .. कुन्हा ते ?
निजा भाषा ,धर्म आर .. संस्कृति पहिचानला
जराए राख्लो फेर .. कुन्हा ते ??
आसिल भुमी-सुधार .. फेर जग्गात हदबन्दी ,
तुई गरबराईस्लो .. कुन्हा ते ?
तहरे जग्गा , तहरे आगुती .. नापी-नाक्सा,
हदबन्दीयालाक ,पास कर्लो .. कुन्हा ते??
ना दिलो नागरिकता .. जातके बेनालो सुकुम्बासी,
तोर कुल-बंशला गेल .. सुकाते-सुकाते।
पाहारेर आर,पु्र्वेर बनबासीलाक.. मिस्तर बेनाए
दिन गेले रे , तोर .. ढुकाते ढुकाते ।।
साम्हालालो नाँनी ते .. तोर जिहाँपुतालाक,
ना आल्हाअ छित .. निदाते निदाते?
घाटुवा पाचाल तुई .. जातभाईके कर्लो,
ना दिन काट्बो .. हली-गान गिदाते गिदाते।।
याे खबर पढेर तपाईलाई कस्ताे महसुस भयाे?
+1
+1
1
+1
+1
+1
+1
