राजवंशी भाषिक कविता : सिरुवा पाब्नी
नयाँ बछरेर , रङ्ग चह्रिल् .. डाँले आर पाते गे,
महँर् देहाड् , ढाँलाए दँना .. तम्हारे हाते गे।
पुर्ना सालेर ,फाँटाल दाँग्ला .. सिरुवा दिए मुजाँअना,
ढग्ढग् करे ,ढाँलाएने देहाडक् .. नयाँ साल बुझाँअना।।
देहारए हए , धन सम्पत्ति .. देहारए मोर गाँहाना,
जले माँटीए , ढाँलाए दिले .. मिल्बे प्रकृतिरे साँधना।
पानीए पबित्र , माँटीरे सत्कार .. घाटोसरीक डाँकाअना,
दो-माँसीयार ,साग्सब्जीत मिस्लाए ..रोगबारीला भागाँअना।।
प्रकृतिर सँगे , बँन्छन् करिए .. फिकाउना मनेर दाँगला,
उत्साह, उमंगला जराएने .. अन्छाँऊना किस्मतेर भागला।
ईष्ट-कुटुम्ब , बिरादर तम्हाए .. तम्हाए मोक जाँगाअना,
२०८० सालेर , नयाँ बिस्नाँत .. तम्हाए मोक थाँकाअना।।
आस्था-बिश्वास , संस्कार-धरम .. बिधि छे साथते ,
बछरेर बिधान ,नाछुटाअ ईष्टला ..जे छे तम्हारे हाथते।
आदान-प्रदान ,शिष्टचार, मेलमिलाप ..सभेला जँराअना,
नयाँ बछरेर , सिरुवा पाब्नी .. धुमधाम से मनाअना ।।
१/बैशाक/२०८०
जोगेन्द्र प्रसाद राजवंशी
कचनकवल :- ३, दल्की झापा
हाल :- मलेसिया
