बनियानी , कचनकवल गाउँपालिका – ३ डाँगिवारीमा रहेको मोती मावि झापाको उत्कृष्ट माविमा छनोट भएको छ ।
व्यवस्थापकीय र शैक्षिक सुधारमा उत्कृष्ट काम गरेको भन्दै शिक्षा तथा मानव स्रोत केन्द्रले मोती मावि लगायत झापाका पाँच माविलाई ५ लाख रुपैयाँका दरले प्रोत्साहन स्वरुप अनुदान रकम दिने भएको सुची सार्वजनिक गरेको छ ।
स्रोत केन्द्रका अनुसार छनौटमा सूचीमा परेका विद्यालयहरूमा कचनकवल गाउँपालिकाको मोती मावि , मेचीनगर नगरपालिकाको आदर्श मावि इँटाभट्टा, अर्जुनधारा नगरपालिकाको लक्ष्मी मावि, शिवसताक्षी नगरपालिकाको राष्ट्रिय मावि रमणीय आदर्श र कमल गाउँपालिकाको शहिद मावि धर्मभक्त रहेका छन् ।
केन्द्रले प्रतिनिधिसभाको प्रत्येक निर्वाचन क्षेत्रबाट विद्यालय पर्ने गरी १६५, शैक्षिक गुणस्तर परीक्षण केन्द्रबाट भएको कार्यसम्पादन परीक्षणबाट भएको मूल्याङ्कनबाट उच्चतम अङ्क प्राप्त गर्ने विद्यालय छनोट गरेको जनाएको छ।
