राजवंशी भाषिक कविता : मुई कैथा घेरा

झिँगते फुलिल जे .. कैथा घेरा
लागाबे, काँहे ते? .. टाँटी आर बेरा।
आल्हाए त निक्लिल .. एक्टी देउनीया,
पिछुत दे बानी .. होबे के-रा , के-रा ??

पहिचानेर बादे .. कोए ते झिङ्-झाँटी
काँहे जुटाबे .. हेतिके खेरी आर खेरा?
छिलिए कर्बे दे .. काँहे ढुल्ढुल माँटी,
मलजल निकर्ले .. घेरा निक्लिबे के-रा ??

दलमल कर्ले जे .. घरे आर ऐग्ना ,
सल्सलीया घेराड् .. हबे ना कि टेहेरा।
चिरिक-बिरिक घेरार .. सातँरा डोर ,
साफा धुक्धुकाए .. उक्टाबे ना कि जँरा।।

पहिचाने त हए .. बाजार-हाँटी ,
आलु बेगने जमाल ..सभारे घर डेरा।
कोए ते मोर .. पहिचानेर नाँथी ,
आफ्ने निहमु त .. मुई सल्सल घेरा।।

उठाबोना बठाबो .. रे देउनीया जाती,
मुई त भाषा बेगरे .. हईचु रे गेरा ।
तुई त उठेक .. आफ्नारे पहिचानेर सँगे,
भाषार बिकास हले .. मह सल्सलाम घेरा।।

जोगेन्द्र प्रसाद राजवंशी
कचनकवल :-३, दल्की झापा
हाल :- मलेसिया