हल्दिवारी गाउँपालिका वडा नम्बर २ को आयोजनामा २ दिवसीय दलित सशक्तीकरण नेतृत्व विकास तथा उद्गघोषण तालिमको वडा अध्यक्ष शुकलाल राजवंसीले उद्घाटन गर्नु भएको छ ।
वडा नम्बर २ का वडा सदस्य अम्बिका तोलाङ्गीको अध्यक्षता तथा वडा अध्यक्ष शुकलाल राजवंसीको प्रमुख आतिथ्यमा संचालन भएको तालिममा वडा सदस्यहरु बिस्णुकुमार राई ,रचना थुलुङ्ग राई , गणेश मगर ,गाउँकार्यपालिका सदस्य सुस्मा महरा ,गाउँपालिका बाल संजालका अध्यक्ष पवन गिरी तथा सञ्चारकर्मी लगायतको उपस्थिति रहेको थियोे ।
वडा कार्यालयको विनियोजित रकमबाट हल्दिवारी – २ मा रहेका सामुदायिक विद्यालयका दलित विद्यार्थी तथा दलित अभिभावकहरुको तालिममा सहभागिता रहेको छ ।
समज संजाल मिडियाको सहजीकरण रहेको तालीम असार १९ र २० गते संचालन हुने छ । नेपाल रेडक्रस सोसाइटी उपशाखा हल्दिवारीको सभाहलमा संचालन भएको तालिममा ५० जनाको सहभागिता रहेको छ । पहिलो दिनको तालीमको प्रशिक्षण बालबालिका तथा शिक्षा सञ्चार मंच झापाका संयोजक सरोज पौडेलले गरेका थिए ।
