राजवंशी भाषिक कविता : “मास्टर”
मास्टर त .. हइस मास्टर
तुई त होलो .. गुरु देशटर।
तुहे सिकालो .. छुवाक ABCD
आल्हाए उवाँ बनिचे .. मन्त्री, डाक्टर ।।
माँअ मुछाँले .. सिँगाली , मुँगाली
तुई चेरपेट्टा हटाए .. मुछालो नाँक्टर ।
साफसुद्रा हए .. बेरुवा सिकालो
आझी उल्टाए .. दाग लागिचे तोरपर।।
ज्ञान गुण दिए .. शिक्षा भँरालो
आल्हाअ तोरपर .. झाटाचे डँस्टर।
हुकासे बेशी .. हचे चिलिम गरम
चेलासे छट् .. तुई होलो मास्टर।।
तोर छुवाक .. बडिङ्ग स्कुल पढाए
नाँ मनाँ परिल .. तोर छाँक्टर?
कानुन अदालतला .. निछे तोर सँगे
ना मन्त्रीला बनिचे .. संविधानेर ढाँकर।।
तुई उठालो फेर .. आन्दोलनेर लाठी
संविधान देछे .. तोक पुनीत बाँकर।
पढाए लेखाए मास्टर .. कि बेनालो
तोक उल्टाए बेनुवापारे .. गुँजी काँखर।।
उवाँ पुगिल ठाँअत , तुई गाँअत
गुरु-दक्षिणा लिबार .. ढिला नाँकर।
हक-अधिकार लिबार .. यैडए हए मौका
तुई घट्घटाना उवाँर .. कानेर चाँकर ।।
