राजवंशी भाषिक कविता : “गिर्हस आर दँकान”

राजवंशी भाषिक कविता : “गिर्हस आर दँकान”

जुग देखिए .. चलेक रे गिर्हस्
मुई हाँउसते .. निफाँनु दँकान।
मोर बुद्दीत .. जाले रे गिर्हस्
तोर चँपचँप् .. फुल्बे धान।।

छरेक हाल-फाँल .. लागा टेक्टर
केत्तेक कर्बो रे ?.. गँरुर बाँखान।
बिना बुद्दीत ..निहबे कुछु आजीकाली,
खेत- पाथारेर .. गँदगदीया धान।।

केत्तेक कुर्हाबो रे.. आँऊलीया घँसी,
केत्तेक कुर्हाबो रे .. अन्छाए छाँन।
भोके प्यासे .. जलिए रे गिर्हस ,
तोर देहारर् .. निरहबे रे जाँन ।।

डिएपी उरीया .. मुई तोक दिमु
तुई बँराजाए .. उभाँए आँन।
पँकामारा ,बँनमारा .. गटेलाए दिमु
घरे से तुई .. बठिए फुलाबो रे धान।।

खर्खर हइचे .. माँटीर भुईखान
काम निलाग्बे उलाँ .. पुर्ना बेदबिधान।
तुई मोर शिष .. बनिए रहले
खेतपाथारत .. चँपचँप फुलामु रे धान।।