बिर्तामोड –४ मा पनि बेठी लगाएर धान दिवस मनाइएको छ ।
२१ औं राष्ट्रिय धान दिवस आज चेम्बर अफ कमर्स झापाको आयोजना र नेपाल उद्यमशील महिला संघ झापाको सह आयोजनामा धान दिवस मनाइएको छ ।
चेम्बर अफ कमर्सका अध्यक्ष ओमकृष्ण विमलीको अध्यक्षता र बिर्तामोड –५ का वडाध्यक्ष रोहित प्रसाईँको प्रमुख आतिथ्यमा आयोजित धान दिवस (धान रोप्ने कार्यक्रम) मा प्रमुख अतिथि प्रसाईं, नेपाल अलैंची व्यवसायी महासङ्घका अध्यक्ष निर्मल भट्टराई, चेम्बर अफ कमर्स कोशी प्रदेशका उपाध्यक्ष सन्तोष अग्रवाल, बिर्तामोड उद्योग वाणिज्य संघका अध्यक्ष राजु न्यौपानेलगायत,नेपाल उद्यमशील महिला संघ झापाकि अध्यक्ष पार्वता बिमली खरेलले धान दिवसको महत्त्वको बिषयमा मन्तव्य राख्नु भएको थियोे ।
धानबाट तयार हुने चामल हरेक घरको चुलोचौकोमा अनिवार्य रुपमा पाक्ने बस्तु हो, धान दिवसको महत्व किसानमा मात्र होइन उपभोग गर्ने व्यक्तिहरूले पनि बुझनु पर्छ । जबसम्म यो कुरा बुझन सकिदैन हामी नेपालीहरूले अन्नको लागि परनिर्भर बन्नु पर्ने दिन आउन सक्ने भएकाले उद्योगी, व्यवसायीहरूले धान दिवस मनाएको कार्यक्रमका अध्यक्ष विमलीले जानकारी दिनुभयो ।
धान दिवस कार्यक्रममा विभिन्न सङ्घसंस्थाका प्रतिनिधि, स्थानीयवासीको उपस्थिति रहेको थियो । महिला समूहको नौमती बाजाले दिवसलाई उल्लासमय बनाएको थियो ।
बाजाको तालमा नाच्दै र असारे गीत गाउदै महिला दिदीबहिनीहरूले रोपाइ गरेका थिए । पुरुषहरूले माटो सम्याउन पटाहा लगाउने, बाउसे र बीउ ओसार्ने काम संगै धान रोपेका थिए ।
याे खबर पढेर तपाईलाई कस्ताे महसुस भयाे?
+1
1
+1
+1
+1
+1
+1
1
