राजवंशी भाषिक कविता : “आँन्धा बईस्”

राजवंशी भाषिक कविता : “आँन्धा बईस्”

बईसेर फुलत .. फुटिल रे चाँन्दा
मायार लाखा निछे .. कोई आँन्धा।
आँन्धा बईसेर .. जँल्हा छे ओन्ढोर
दुनियाँक देखाए जे .. करे रे खोँकोर।।

निछे शक्ति .. ताँह् चले दले-बले,
कक्राए बुकेर .. अन्तर हृदय तले।
आँन्धा बईसेर .. केनङ् यिड् डोर?.
आरह कहचे संसार .. हए यिड् मोर।।

धाक्रिए मायात .. जाहे गार्हेचे कनाँ ?
पित्तल जरा दिए .. बेनाचे काँह सँना ।
ताह् मायाक .. हबा देना कम्जोर
जेफ्टा दिए ताँह् .. लागाए जाँन-जोर।।

कहचे एई दुनियाँसे .. निछे लेना-देना,
यिड् बईस छे ते .. काँहे रहे ढेना ?
यिड जवानी हए .. बडए मुक्जोर
रातेर सपन देखाए .. दिने काटुवाए भोर।।

जोगेन्द्र प्रसाद राजवंशी
कचनकवल :- ३, दल्की झापा
हाल :- मलेसिया