कोशी ब्यारेजमा आवागमन पूर्णरूपमा बन्द

माेरङ्ग । बर्षातको कारण पूर्व-पश्चिम लोकमार्गको कोशी व्यारेज पुलमा पानीको अत्यधिक बहावको कारणले उत्पन्न हुन सक्ने जोखिमलाई मध्यनजर गर्दै पुलबाट हुने आवागमन आज असोज १२ गते ४:०० बजेबाट पूर्णरूपमा बन्द गरिएको छ।

यात्रु तथा सवारी चालक महानुभावहरूलाई वैकल्पिक मार्ग प्रयोग गर्न अनुरोध गरिएको छ। कुनै थप जानकारी वा सहयोगका लागि ट्राफिक प्रहरीको हटलाइन नम्बर १०३ मा सम्पर्क गर्न सकिने जानकारी समेत दिइएको छ।