अभिषेक खतिवडा/कमल। झापाको कमल गाउँपालिका वडा नं ५ मा रहेको पाडाजुङ्गी – गौरदाह सडक खण्डमा पर्ने मङ्गलबारे बजारमा देशकै राष्ट्रिय खेल भलिबलको खेलाडीले बल सर्भिस गर्ने लागेको शालिक बन्ने भएको छ ।
मङ्गलबारेमा रहेको सगुन युवा क्लवको अगुवाइमा स्थानीय युवाहरु बाट संकलित रकमबाट उक्त शालिक निर्माणको काम सम्पन्न हुने जानकारी प्राप्त भएको छ ।
आज एक कार्यक्रमका बिच कमल गाउँपालिका का अध्यक्ष हुकुम सिंंह राईले सो आयोजनाको विधिवत रुपमा शिलान्यास गर्नु भएको छ । उहाँ क्लवका संस्थापक अध्यक्ष रह्नु भएको समेत बताइएको छ ।
२०५६/०१/१९ गते झापा जिल्ला प्रशासन कार्यालयमा दर्ता भएको सगुन युवा क्लबले बिगत २८ बर्ष देखि स्थानिय स्तरीय ,पालिका स्तरीय ,जिल्ला स्तरीय , तथा अन्तराष्ट्रिय स्तरका भलिबल प्रतियोगिताहरु संचालन गर्दै आएको र देश मै छुटै खालको ख्याति कमाएको छ ।नेपालमा जुन बेला आधुनिक भलिबल खेल देश मै धरासायी भएको अवस्था थियो।त्यो बखत कमलमा सगुन युवा क्लवले भलिबलको संरक्षणमा खेलेको भुमिकालाई सम्मान र सम्झनामा खेलाडीको शालिक निर्माण गरिएको पुर्वराष्ट्रिय भलिबल खेलाडी तथा सगुनका सचिव राेशन दाहालले दावी गर्नु भएको छ ।
क्लवले कमलमा नेपालको राष्ट्रिय खेल भलिबल खेलाडी(अमुख ब्यक्ति)को शालिक आउँदै गरेको चाड दशै भन्दा अगाडि नै सम्पन्न गर्ने कोसिस गरिरहेको समेत दाहालले जानकारी दिएका छन।
