झापा, २७ असाेज । झापा जिल्लाको मेचीनगर–७ इटाभट्टामा पूर्वपश्चिम राजमार्गमा मोटरसाइकलको ठक्करबाट साइकलयात्रीको मृत्यु भएको छ। मृतक सगरमाथा यातायातका ४५ वर्षीय चालक डिकेन राजवंशी थिए। उनलाई बिर्तामोडको बीएन्डसी अस्पतालमा उपचारका क्रममा मृत घोषित गरिएको हो।
दुर्घटना बिहान ७ः३० बजेतिर होटल मेची क्राउनका कर्मचारी अभिषेक लिम्बूले चलाएको मोटरसाइकलले ठक्कर दिँदा भएको थियो। ठक्करपछि गम्भीर घाइते भएका राजवंशीलाई तुरुन्तै अस्पताल लगिए पनि उनको ज्यान जोगाउन सकिएको थिएन।
घटनापछि मृतकका आफन्त र यातायात व्यवसायी संघका कर्मचारीहरुले विरोधस्वरूप राजमार्ग अवरुद्ध गरेका थिए, जसले केही समय यातायात प्रभावित भयो। हाल प्रहरीले राजमार्ग पुनः सञ्चालनमा ल्याएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
1
+1
1
+1
