झापा । मेचे समाज शिवियारी आफात केन्द्रिय समितिको हिजो सम्पन्न निर्वाचनमा बिर्तामोडका बिरेन मेचे अध्यक्षमा निर्वाचित भएका छन् ।
शिवियारी आफातको अरु सवै पदमा सर्व सम्मत भए पनि अध्यक्षमा भने निर्वाचन भएको थियो । हिजो सम्पन्न निर्वाचनमा अध्यक्ष समेत रहेका नेकपा एमाले जिल्ला कार्य समिति सदस्य हल्दिबारीका रन्जित मेचेलाई ८ मतले पराजित गर्दै बिरेन मेचे निर्वाचित भएको निर्वाचन समितिले जनाएको छ ।
शिवियारी आफातका ७१८ जना सदस्यहरु रहेकोमा ४१६ जनाले मतदान गरेकोमा ५ मत बदर भएको थियो भने बिरेन मेचेले २०९ मत र रन्जित मेचेले २०१ मत प्राप्त गरेका थिए । शिवियारी आफातको ५ बर्षे कार्यकालको लागि भएको निर्वाचनमा बरिष्ठ उपाध्यक्षमा कमल मेचे–मेची नगर,उपाध्यक्षमा सिता श्रेष्ठ मेचे–बाह्रदशी, माहा सचिवमा कालु मेचे–मेची नगर, सचिवमा महेशलाल मेचे–हल्दिबारी, कोषाध्यक्षमा अमृतलाल मेचे–हल्दिबारी निर्विरोध चयन भएका छन् ।
त्यसै गरी सदस्यहरुमा सुनिल मेचे–हल्दिबारीे, अमृत मेचे–हल्दिबारी, अर्जुन मेचे–शनि अर्जुन न.पा., काजि मेचे, राजकुमार मेचे र सर्मिला मेचे राई रहेका छन् ।
