पाँचथरमा ट्रक दुर्घटना, एक जनाको मृत्यु - हल्दिबारी डटकम

पाँचथर, २५ कार्तिक । पाँचथरको हिलिहाङ गाउँपालिका-६ गुराँसेस्थित मेची राजमार्गमा शुक्रबार भएको दुर्घटनामा एक जनाको दुखद निधन भएको छ। ताप्लेजुङबाट झापा जाँदै गरेको ट्रक (ना. ४ ख ७१२३) ब्रेक फेल भएर दुर्घटनामा परेको हो। दुर्घटनामा पाँचथर हिलिहाङ गाउँपालिका-३, पन्चमीका ५६ वर्षीय भवानी शंकर पौडेलको उपचारको क्रममा मृत्यु भएको छ। पौडेल गोपेटारबाट फिदिम जान ट्रकमा सवार भएका थिए।

उक्त दुर्घटनामा अन्य दुई जना घाइते भएका छन्। ५२ वर्षीय ट्रक चालक तेज बहादुर दास सामान्य घाइते भएका छन् भने ४० वर्षीय ट्रक मालिक राजकुमार बस्नेत गम्भीर घाइते भएका छन्। बस्नेतको दायाँ खुट्टा भाँचिएको र घाँटीमा चोट लागेको छ, र दुबैको उपचार पाँचथर जिल्ला अस्पतालमा भइरहेको छ।

दुर्घटनामा ट्रक करिब ५०/६० मिटर तल खसेको बताइएको छ। मृतक पौडेलको शव जिल्ला अस्पतालको शवगृहमा राखिएको छ भने ट्रक घटनास्थलमै रहेको जानकारी छ।

याे खबर पढेर तपाईलाई कस्ताे महसुस भयाे?

+1

0

+1

0

+1

0

+1

0

+1

0

+1

0

Post Views: 80

तपाईको प्रतिक्रिया

सम्बन्धित समाचार