झापा जिल्लाको मेचीनगर नगरपालिका वडा नं. ६ पुरानो मेची पुलमा हिजो बेलुकी ५:३० बजे लागू-औषध नियन्त्रण व्यूरो, काँकरभिट्टाबाट खटिएको प्रहरी टोलीले भारतबाट नेपालतर्फ सिटीसफारीमा आउँदै गरेका इलाम फाकफोकथुम गाउँपालिका वडा नं. १ निवासी २७ वर्षीय विशाल मगरलाई नियन्त्रणमा लिएको छ।
प्रहरीले शंका लागि चेकजाँच गर्दा मगरको साथमा प्रतिबन्धित लागू-औषध खैरो हेरोइन २ ग्राम ४३० मिलिग्राम (प्लास्टिकसहित) र प्लास्टिक बाहेक १ ग्राम ७६० मिलिग्राम फेला परेको थियो। उनलाई नियन्त्रणमा लिएर इलाका प्रहरी कार्यालय काँकरभिट्टामा राखी थप अनुसन्धान भइरहेको जानकारी प्राप्त भएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
