झापा । झापा जिल्लाको बिर्तामोड–१ स्थित बाल्मीकि स्कुलबाट चोरी भएको मोटरसाइकलसहित एक जनालाई इलाममा पक्राउ गरिएको छ।
मंगलवार बिहान अन्दाजी १०:३० बजे बाल्मीकि स्कुल अगाडि राखिएको मे ६ प २८६७ नम्बरको २२० सीसीको पल्सर मोटरसाइकल हराएको थियो। बिर्तामोड–५ निवासी सविन शेर्माले उक्त मोटरसाइकल बाल्मीकि स्कुल अगाडि पार्क गरेका थिए, जहाँबाट मोटरसाइकल चोरी भएको हो। चोरी भएको जानकारी मिल्नेबित्तिकै उनले इलाका प्रहरी कार्यालय बिर्तामोडमा खबर गरेका थिए।
मोटरसाइकलको खोजी गर्ने क्रममा हिजो साँझ ५:३० बजे इलामको महमाई प्रहरी चौकीले माई नगरपालिका–६ का २४ वर्षीय मनिश गिरीलाई उक्त मोटरसाइकलसहित पक्राउ गरेको हो। उनलाई राति नै मोटरसाइकलसहित इलाका प्रहरी कार्यालय बिर्तामोडमा ल्याइएको प्रहरी नायब उपरीक्षक प्रकाश विष्टले जानकारी दिएका छन्।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
