प्रतिबन्धित लागु औषधसहित दुई व्यक्ति प्रहरीको नियन्त्रणमा

झापा । झापा जिल्लाको मेचीनगर नगरपालिका वडा नं. ६ पुरानो मेचिपुल नजिक प्रतिबन्धित लागुऔषधसहित दुई व्यक्तिलाई नियन्त्रणमा लिइएको छ।

हिजो साेमबार साझ ५ बजे लागुऔषध नियन्त्रण ब्यूरो काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेको मे. ९ प. ९०३७ नम्बरको मोटरसाइकललाई रोकी चेकजाँच गर्दा लागुऔषध खैरो हेरोइन फेला पारेको हो।

चालक देबेन्द्र चौधरी (२४), झापा गाउँपालिका वडा नं. ५ निवासी, र पछाडि सवार सुरेश श्रेष्ठ (३५), बिर्तामोड नगरपालिका वडा नं. ५ निवासीलाई मोटरसाइकलको हेडलाइटको पछाडिको वायरिङमा लुकाइएको १ ग्राम ५३० मिलिग्राम खैरो हेरोइनसहित पक्राउ गरिएको छ।

पक्राउ परेका व्यक्तिहरूलाई इलाका प्रहरी कार्यालय काँकरभिट्टामा राखी थप अनुसन्धान जारी रहेको छ।