कविता: “मांस”

कविता: “मांस”

बाघको छाला लगाउने
महादेवको मन्दिरमा
छालाका वस्त्र लगाएर जाना पाइँदैन
यस्तो प्रसङ्गलाई
महादेव समक्ष कसैले पनि उजागर गरेनन
किन महादेव भनेर
सोधेका भए
जटाधारी महादेव भन्थे होला
“कैलाशको चिसो छल्न
बाघको छाला लगाएको वत्स”।
शास्त्रका उपचारमा
मांस नचेलेको होइन,
राजा शिविको कथा अमर छ
अन्य पात्र पनि छन्
महादेवलाई मांस अर्पण गर्ने,
प्रश्न यहाँ उठ्दछ
अर्पण भएका वस्तु
अर्पित गर्ने योग्य की अयोग्य
किनकि मन्दिर शक्तिको उत्पत्ति भएको ठाउँमा
बनाउने चलन छ,
त्यसो भए मांस चढाउने नमिल्ने किन
उसको जवाफ कर्मकाण्ड रचाइता संग होला
जसको हामी आँखा चिम्लेर पालन गर्दैछौं।

अर्जुन दाहाल
गाैरादह–३, झापा