हल्दिबारी, ५ मंसिर । चिल्ड्रेन गार्डेन अंग्रेजी विद्यालय हल्दिबारी ३ ले स्काउट विद्याथीलाई दिक्षित र कराते विद्यार्थीहरुलाई प्रमाण–पत्र वितरण गरेको छ ।
विद्यालयका प्रिन्सीपल पुण्य बजगाईंको अध्यक्षता एवं हल्दिबारी ३ का वडा अध्यक्ष विष्णु प्रसाद ओलीको प्रमुख आतिथित्यतामा भएको कार्यक्रममा स्काउट खेलाडीहरुलाई टाई, ब्याज र कराते खेलाडीहरुलाई प्रमाण पत्र वितरण गर्दै कार्यक्रम सम्पन्न गरिएको थियो ।
उक्त कार्यक्रमलाई प्रमुख अतिथि ओली, विद्यालयका संचालक एवं पुर्व प्रिन्सीपल दुर्गामणी गौतम र कार्यक्रमका अध्यक्ष पुण्य बजगाईंले शुभकामना सहित विद्यार्थीहरुलाई अनुसासीत तरिकाले अगाडी बढ्न शुभकामना ब्यक्त गर्नु भएको थियो । कार्यक्रममा स्काउट शिक्षक नारायण श्रेष्ठले स्काउटको महत्व र विधार्थीलाई दिक्षित गर्नु भन्दा अगाडी स्काउट मार्ग दर्शन गर्नु भएको थियो ।
त्यसै गरी कराते खेल शिक्षक दिपेश निरौलाले कराते खेलको महत्वको बारेमा जानकारी दिदै खेलाडीहरुलाई प्रशिक्षण गर्नु भएको कार्यक्रममा विद्यालय ब्यवस्थापन समितिका अध्यक्ष प्रतिमा भुजेल, विद्यालयका निर्देशक शुदिप पोखरेल, विद्यालय ब्यवस्थापन समितिका सदस्यहरु विद्यालयका शिक्षक , विद्यार्थी अभिभावकहरुको उपस्थिति रहेको थियो ।
