मोरङ । मोरङ जिल्लाको उर्लाबारी नगरपालिका-३ स्थित पूर्व पश्चिम लोकमार्गमा दुई मोटरसाइकल ठोक्किँदा भएको दुर्घटनामा ३ जनाको मृत्यु भएको छ भने १ जना गम्भीर घाइते भएका छन्।
मंसिर ६ गते साँझ, प्र. १-०२-०५० प ८४०६ र प्र. १-०२-०४३ प ९२२६ नम्बरका मोटरसाइकल आपसमा ठोक्किँदा घाइते भएका मोरङ कानेपोखरी गाउँपालिका-४ रमाइलोका २८ वर्षीय किशोर गुरुङ, २८ वर्षीय अमृत लिम्बु, र पथरी शनिश्चरे नगरपालिका-५ का ४२ वर्षीय दीपक धिमालको उपचारको क्रममा ज्यान गएको हो।
यसै घटनामा पथरी शनिश्चरे-५ का ३० वर्षीय विष्णु धिमाल गम्भीर घाइते भएका छन् र उनको बिर्तामोडस्थित बीएनसी अस्पतालमा उपचार भइरहेको छ।
घटनाबारे इलाका प्रहरी कार्यालय, उर्लाबारीले आवश्यक कानुनी कारबाही र थप अनुसन्धान जारी राखेको जानकारी दिएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
