झापा, मंसिर १८ । झापाको मेचिनगर नगरपालिका-११, तेलिबारीस्थित पूर्व-पश्चिम राजमार्गमा भएको दुर्घटनामा मोटरसाइकल चालकको ज्यान गएको छ।
आज मिति २०८१।०८।१८ गते दिउँसो करिब १२:३० बजे बागमती प्र-०१-००६ ख ४९०९ नम्बरको बस र मे १० प ३५७२ नम्बरको मोटरसाइकल एकआपसमा ठक्कर खाँदा मोटरसाइकल चालक जिल्ला झापा साबिक चन्द्रगढि – ६, हाल भद्र्पुर नगरपालिका वडा नं.१० बस्ने अं.बर्ष ५५ वर्षीय किसन न्यौपाने गम्भीर घाइते भएका थिए। उनलाई उपचारका लागि बिर्तामोडस्थित बीएन्डसी अस्पताल लगिएको थियो। अस्पतालले उनलाई १२:५५ बजे मृत घोषित गरेको प्रहरीले जनाएकाे छ ।
बसका चालक विजय कुमार यादव (४२), जो उदयपुर चौदण्डीगढी-६ निवासी हुन्, इलाका प्रहरी कार्यालय धुलाबारीको नियन्त्रणमा छन्। बस र मोटरसाइकल पनि प्रहरीको नियन्त्रणमा राखिएको छ। यस घटनाको सम्बन्धमा थप अनुसन्धान भइरहेको इलाका प्रहरी कार्यालयले जनाएको छ।
