झापा, २ पुस । झापाको मेचीनगर नगरपालिका–६ स्थित पुरानो मेचीपुलबाट लागुऔषध खैरो हेरोइनसहित एक युवक पक्राउ परेका छन्।
लागुऔषध नियन्त्रण ब्यूरो काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेका झापा बुद्धशान्ति गाउँपालिका–२ निवासी २१ वर्षीय प्रजित तामाङलाई पक्राउ गरेको हो।
प्रहरीले शंका लागि चेकजाँच गर्दा मुखमा लुकाएर ल्याउँदै गरेको खैरो हेरोइन फेला परेको छ। प्लाष्टिकसहित २ ग्राम ८५० मिलिग्राम (प्लाष्टिकबाहेक २ ग्राम ३९० मिलिग्राम) हेरोइन नियन्त्रणमा लिएको छ।
हाल उनलाई इलाका प्रहरी कार्यालय काँकरभिट्टामा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
