झापा । जिल्ला झापाको बुद्धशान्ति गाउँपालिका वडा नं. ३, मा हिजो रातको ११:३० बजेको समयमा धिमाल टोलस्थित एक घरमा प्रतिबन्धित लागू-औषध गाँजाको कारोबार भइरहेको भन्ने गोप्य सूचनाको आधारमा इलाका प्रहरी कार्यालय बुधबारेबाट खटिएको टोलीले खानतलासी गर्दा ४ के.जी. तयारी गाँजा नियन्त्रणमा लिएको छ ।
यस क्रममा, श्याम धिमालको घरमा रहेका विभिन्न सामग्रीहरूसँगै गाँजा पनि बरामद भएको हो। फेला परेका अन्य सामग्रीहरूमध्ये भारतिय रुपैया २,३६०/- (दुई हजार तीन सय साठी), नेपाली रुपैया ३,०६,८७०/- (तीन लाख छ हजार आठ सय सत्तरी), तराजु १ थान, ढक ८ वटा, माटोको चिलिम ६७ पिस, लाईटर १० पिस, सुतली डोरी १० मिटर, प्याकेजिङ प्लाष्टिक ५० पिस, कटर चक्कु ३ थान, कैचि १ थान, अचानो २ वटा, हतौडा १ थान र मोबाईल १ थान रहेको छ।
यस घटनामा श्याम धिमालको २९ वर्षीयछो री दुर्गा धिमाललाई पनि पक्राउ गरी इलाका प्रहरी कार्यालय धुलाबारीमा थप अनुसन्धान जारी रहेको प्रहरीले जनाएको छ।
