झापा । दक्षिणी झापाको कचनकवल गाउँपालिका–२ बगलामारीस्थित नारायण सिंह राजवंशीको खेतमा राति भएको आगलागीले ठूलो क्षति पुर्याएको छ। उक्त घटनामा राजवंशीले ३ विघा खेतमा लगाएको धानका कुन्यु सबै जलेर नष्ट भएका छन्।
जिल्ला प्रहरी कार्यालय झापाको जानकारीअनुसार आगलागीका कारण करिब २ सय मन धान र पराल जलेर अन्दाजी तीन लाख रुपैयाँ बराबरको क्षति भएको छ।
आगलागीको खबर पाउनेबित्तिकै ईलाका प्रहरी कार्यालय बनियानीका प्रहरी नायव निरीक्षक रोहित बहादुर मगर र प्रहरी चौकी पथारियाका प्रहरी सहायक निरीक्षक निर कुमार श्रेष्ठको नेतृत्वमा प्रहरी टोली घटनास्थलमा पुगेका थिए। आगो नियन्त्रणका लागि भद्रपुर नगरपालिकाको दमकल र स्थानीयवासीको सहकार्यमा बिहान ३:३० बजे आगो पूर्ण रूपमा निभाइएको थियो।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
