हल्दिबारी, २३ पुस । झापा जिल्लाको हल्दिबारी गाउँपालिका वडा नं. २ मा जंगली हात्तीको उपद्रवका कारण बावुलाल महतोको घर पूर्ण रूपमा क्षतिग्रस्त भएको छ।
बिहान ४ बजे जंगलबाट आएका दुईवटा दारे हात्तीले घरको टिन, टाटी र भित्र रहेका सामग्रीहरू नष्ट गरिदिएका छन्। हात्तीले टिभी, राउटर, टेबल लगायतका सामान भत्काउँदै करिब २४० केजी चामल खाएको र अन्य सामान छरछार पारेको जनाइएको छ।
घटना हुँदा घरधनीले भागेर ज्यान जोगाउन सफल भए पनि करिब ८० हजार रुपैयाँभन्दा बढीको क्षति भएको छ।
प्रहरीले मानवीय क्षति नभएको पुष्टि गरेको छ। पीडित परिवार अहिले गम्भीर समस्या झेलिरहेका छन्। जंगली हात्तीको आक्रमणले यस क्षेत्रका बासिन्दाहरू त्रसित बनेका छन्। स्थानीय निकाय र सरोकारवाला पक्षले यस्ता घटनाबाट बच्न तत्काल उपाय अपनाउनुपर्ने माग उठिरहेको छ।
याे खबर पढेर तपाईलाई कस्ताे महसुस भयाे?
+1
2
+1
1
+1
1
+1
+1
7
+1
