झापाको काँकडभिट्टामा गैँडाको खाग र लागू औषधसहित एक भारतीय नागरिक पक्राउ परेका छन्।
पक्राउ पर्नेमा भारतको पश्चिम बङ्गाल, उत्तर मेन्दाबारीका नारायण रामधाम रहेका छन्। जिल्ला प्रहरी कार्यालय झापा र इलाका प्रहरी कार्यालय काँकडभिट्टाको संयुक्त टोलीले विशेष सूचनाका आधारमा उनलाई पक्राउ गरेको हो।
बुधबार दिउँसो साढे ३ बजे मेचीनगर नगरपालिका–६ काँकडभिट्टास्थित हिमालय गेस्ट हाउसको कोठा नम्बर १०२ मा बसेका रामधामको कोठा खानतलासी गर्दा १ केजी ७०० ग्राम तौल भएको गैँडाको खाग, ३ ग्राम ७६० मिलिग्राम ब्राउन सुगर, १८ पत्ता पाइइभोन स्पास प्लस लेखिएको ट्याब्लेट, एक डिजिटल तराजु र एक मोबाइल फोन फेला परेको थियो।
प्रहरीले रामधामलाई पक्राउ गरी इलाका प्रहरी कार्यालय काँकडभिट्टामा राखेर थप अनुसन्धान सुरु गरेको जनाएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
