अमेरिकाको लस एन्जल्सस्थित जंगलमा भएको आगलागीले ठूलो जनधनको क्षति पुऱ्याएको छ। हालसम्म ५ जनाको ज्यान गएको पुष्टि भएको छ भने मृतक संख्या अझै बढ्न सक्ने अनुमान गरिएको छ। आगो लस एन्जल्स काउन्टीको एन्टाडेनाको ईटन क्षेत्रमा १०,६०० एकड जंगलमा फैलिएको छ।
आगलागीका कारण एक हजारभन्दा बढी घर पूर्ण रूपमा नष्ट भएका छन्, र लगभग १० हजार मानिस प्रत्यक्ष प्रभावित भएका छन्। आगो अझै नियन्त्रणमा आउन सकेको छैन।
स्थिति गम्भीर बनेपछि क्यालिफोर्निया र एरिजोनाका विभिन्न क्षेत्रबाट अग्निनियन्त्रक टोली मगाइएको छ। साथै, स्थानीय प्रशासनले आपतकाल घोषणा गरेको छ। आगो नियन्त्रणमा लिनको लागि प्रयास जारी रहेको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
