झापाको मेचीनगरमा भित्री सडकखण्डमा कारले ठक्कर दिँदा एक जनाको मृत्यु भएको छ भने एकजना गम्भीर घाइते भएका छन्।
मृत्यु हुनेमा भारतको पश्चिम बंगाल, कुच बिहारका २५ वर्षीय अप्पु राय रहेका छन्। रायको धुलाबारीस्थित आम्दा मेची अस्पतालमा उपचारका क्रममा राति ११:३० बजे मृत्यु भएको जिल्ला प्रहरी कार्यालय झापाले जनाएको छ।
दुर्घटनामा सोही ठाउँका २० वर्षीय केशव मादक गम्भीर घाइते भएका छन्। घटना हिजो राति ०९:३० बजे मेचीनगर-१५ भगवती प्लाई फ्याक्ट्रीअगाडि भएको हो। ज्यामीरगढीबाट धुलाबारीतर्फ जाँदै गरेको डब्ल्युबी ७४ एजी १२२५ नम्बरको भारतीय कारले उनीहरूलाई ठक्कर दिएको थियो।
प्रहरीले आज बिहान ११:३० बजे सोही कारका चालक, पश्चिम बंगाल बागडुग्राका २३ वर्षीय रोशन खत्रीलाई नियन्त्रणमा लिएको छ। घटनाबारे थप अनुसन्धान भइरहेको छ ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
