फाइल तस्बिर – झापा जिल्लाको शिवसताक्षी नगरपालिका वडा नम्बर १ धरमपुरस्थित पूर्व–पश्चिम राजमार्गमा आज बिहान भएको बस दुर्घटनामा ११ जना यात्रु घाइते भएका छन्। काकडभिट्टाबाट धरानतर्फ गइरहेको मे १ ख २५४५ नम्बरको नागरिक बस अनियन्त्रित भई पल्टिएको हो।
घटनामा घाइते भएकामध्ये केही यात्रुहरूको टाउको, ढाड र हातमा चोट लागेको छ। सबै घाइतेहरूको अवस्था सामान्य रहेको बताइएको छ। प्रहरीका अनुसार घाइतेहरूलाई तत्काल उद्धार गरी बिर्तामोडस्थित B&C अस्पतालमा उपचारका लागि पठाइएको छ।
बसका चालक, मेचिनगर नगरपालिका–१० धुलाबारी निवासी ५४ वर्षीय टिका मेचेलाई इलाका प्रहरी कार्यालय झिलझिलेले नियन्त्रणमा लिएको छ। दुर्घटनाबारे थप अनुसन्धान भइरहेको छ।
याे खबर पढेर तपाईलाई कस्ताे महसुस भयाे?
+1
+1
1
+1
+1
+1
+1
