कविता : सिरुवार महत्त्व

हामाक सिरुवा , खेलुवा हबे
नयाँ बच्छररेर , देहाडर ताने।
जलेर छिटासे , जल सिरुवा
काद माटीसे , काद सिरुवा।
रङ्ग बिरङ्गे , रङ्ग सिरुवा।
यिड् देहारक , ढालुवा हबे ।
नयाँ बच्छर , मानुवाए हबे ।।

पुर्ना बछरे जे-करिल , बाहिरा दुर्गती
नजरकाटा से संगत , छरुवा हबे ।
जे छे देहारत् , दाग मागला
गटेलाके धँए-धाँए , साफ करुवा हबे।
लागोक देहारत , जल,काद,रङ्ग-सिरुवा
पुर्खा/प्रकृतिसे हामाक , नाता जरुवा हबे ।।

हामाक घाटोसरीक , डाँकाए आनुवा हबे
भित्री अंगलाक भि , बन्छन करे बानुवा हबे।
सात सागीर , सात मिस्लन
डालेर बरीत , पाटा-सागेर ऊछँलन।।
लारी भुटीलाक , साफ करुवा हबे।
यिड् देहाक , नयाँ मते ,
नयाँ बछरेर उमङ्ग , आनुवा हबे ।।
होक होक , सँनार देहाडर प्रगती
हामाक नयाँ बच्छर , मानुवा हबे ।।

जोगेन्द्र प्रसाद राजवंशी 
कचनकवल :- ३, दल्की झापा
हाल :- मलेसिया