हल्दीबारी, झापा | हल्दीबारी डट कम । आगामी आर्थिक वर्ष २०८२/८३ का लागि झापा जिल्लाका १५ वटा स्थानीय तहले कुल १३ अर्ब १८ करोड ६६ लाख रुपैयाँभन्दा बढीको बजेट सार्वजनिक गरेका छन्।
जिल्लाका ८ नगरपालिका र ७ गाउँपालिकाले आफ्ना सभाबाट नीति, कार्यक्रम र बजेट प्रस्तुत गरेका हुन्। सबैभन्दा ठूलो बजेट मेचीनगर नगरपालिकाले ल्याएको छ भने सबैभन्दा सानो बजेट हल्दीबारी गाउँपालिकाले ल्याएको हो।
प्रमुख नगरपालिकाहरूको बजेट:
मेचीनगर: १ अर्ब ५२ करोड
बिर्तामोड: १ अर्ब ५१ करोड
दमक: १ अर्ब ४५ करोड
अर्जुनधारा: ९५ करोड
शिवसताक्षी: ९१ करोड
गौरादह: ८४ करोड
भद्रपुर: ८० करोड
कन्काई: ७० करोड
प्रमुख गाउँपालिकाहरूको बजेट:
कमल गाउँपालिका: ७२ करोड ८२ लाख
बुद्धशान्ति: ६७ करोड ६७ लाख
कचनकवल: ६६ करोड १९ लाख
बाह्रदशी: ५५ करोड १८ लाख
गौरीगञ्ज: ५३ करोड ८६ लाख
झापा गाउँपालिका: ५१ करोड ४२ लाख
हल्दीबारी गाउँपालिका: ४९ करोड ७७ लाख
प्राथमिकता क्षेत्र:
पालिकाहरूले नीति तथा कार्यक्रममा पूर्वाधार, शिक्षा, स्वास्थ्य र कृषि क्षेत्रलाई विशेष प्राथमिकता दिएका छन्। कतिपय पालिकाले बजेट घटाएका छन् जसले विकासको गति प्रभावित हुन सक्ने जनाइएको छ।
