✍️ देवेन्द्र किशोर ढुङगाना
आजकल बच्चाहरू लामो समयसम्म मोबाइल, कम्प्युटर वा टेलिभिजन स्क्रिनमा समय बिताउँछन्। यसको प्रत्यक्ष असर उनीहरूको आँखामा पर्न थालेको छ। आँखाको स्वास्थ्य जोगाउन आहारमा केही विशेष खानेकुरा अनिवार्य रूपमा समावेश गर्न सकिन्छ।
१. हरियो तरकारी
पालुङो, काउँली, तोरीसागजस्ता हरियो तरकारीमा लुटिन र जियाक्सान्थिन हुन्छ। यी तत्वले एन्टिअक्सिडेन्ट प्रदान गर्ने भएकाले रेटिनालाई स्वस्थ राख्छन्।
२. माछा
माछामा ओमेगा–३ फ्याटी एसिड पाइन्छ, जुन रेटिना स्वास्थ्यका लागि अति आवश्यक हुन्छ। विशेषगरी साना माछा पौष्टिकताले भरिपूर्ण हुन्छन्। यसबाहेक भिटामिन ए, प्रोटिन, क्याल्सियम, जिंक, आइरन, फस्फोरस र भिटामिन डी पनि माछामा प्रशस्त पाइन्छ।
३. अण्डा
अण्डामा लुटिन, जियाक्सान्थिन, भिटामिन ई र भिटामिन डी पाइन्छ। यी सबै तत्वले आँखाको कार्यक्षमता बढाउँछन्।
४. गाजर र सखरखण्ड
गाजर र सखरखण्डमा बिटा–क्यारोटिन प्रशस्त हुन्छ। शरीरले यसलाई भिटामिन ए मा रूपान्तरण गर्छ, जुन दृष्टि शक्तिका लागि अति आवश्यक हुन्छ।
५. बदाम
बदाममा भिटामिन ई र ओमेगा–३ फ्याटी एसिड हुन्छ। दैनिक सानो मात्रामा बदाम सेवन गर्नाले बच्चाको आँखा दीर्घकालीन रूपमा स्वस्थ रहन्छ।
६. भिटामिन सी युक्त फलफूल
कागती, स्याउ, मेवा, अम्बाजस्ता फलमा भिटामिन सी हुन्छ। यसले आँखाको रक्तनलीलाई मजबुत बनाउँछ र रक्तसञ्चारलाई सहज गर्छ।
👉 नियमित आँखा परीक्षण, स्क्रिन टाइममा नियन्त्रण र पौष्टिक आहार—यी तीन कुराले बच्चाको दृष्टि सुरक्षित गर्न ठूलो भूमिका खेल्छन्।
