काठमाडौं, ९ कात्तिक । मेडिकल व्यवसायी र राजसंस्था पुनःस्थापनाका समर्थक दुर्गा प्रसाईंले देश संकटमा परेको बताएका छन् र यदि अरुले देश बचाउने जिम्मा लिन्छन् भने आफू देश छोड्न तयार रहेको बताएका छन्।
आइतबार काठमाडौंमा आयोजित पत्रकार सम्मेलनमा प्रसाईंले भने, “म कसैबाट चलेको मान्छे होइन। नेपाल संकटमा छ र मैले जे सकिन्छ त्यो गर्नुपर्छ भन्ने लाग्छ। तर यदि देश बचाउने काम अरुले सम्हाल्ने भए म विदेश जानेछु — तर पहिलो शर्त यो हो कि विदेशमा रहेका नेपाली फर्केर आउन सक्ने सुरक्षित वातावरण बनेको हुनुपर्छ।”
प्रसाईंले ‘राष्ट्र, राष्ट्रियता, धर्म-संस्कृति र नागरिक बचाउ महाअभियान’ मार्फत् राजसंस्था पुनःस्थापनाको पक्षमा आफू उभिएको पनि दोहोर्याए। उनले २०५७ सालदेखि नेकपा (माओवादी) बाट प्रभावित हुँदै एमालेमा आएर अहिले यहाँसम्म पुगेको अनुभव सुनाउँदै सबैले अब सुध्रिएर देश निर्माणतर्फ लाग्नुपर्ने जोड दिए।
उनले नागरिक र नेतृत्व दुवैले गल्तीहरु गरेको स्वीकार्दै भने, “हिजो जे भयो-भयो, अब कम्तीमा देश जोगाऔं। नेपाल भुंग्रिएको छ, त्यसलाई उठाएर न्यानो ठाउँमा लैजाऔं — मान्छेले न्यानोपन खोज्छन्, अब यसमा सुधार हुनै पर्छ।”
पत्रकार सम्मेलनमा उनले विदेशमा बस्ने नेपालीका लागि सुरक्षित प्रतिवास (रिफोनिङ)को वातावरण बनाउनुपर्ने र त्यसका लागि सबै मिलेर कदम चाल्नु पर्ने बताएका थिए। प्रसाईंका यो भनाइले धन–राजनीतिक प्रसंगमा थप बहस उत्पन्न हुनसक्ने अनुमान गरिएको छ।
