स्थानीय तह निर्वाचनमा नेपाली काङ्ग्रेसले माओवादीसंग बिश्वास गर्नु , धोका हुन सक्छ ?

नेपाली काङ्ग्रेस र माओबादी केन्द्र बिच मिति २०७४ जेष्ठ २४ गते देखि संयुक्त सरकार बनेको थियो,साथै त्यही सरकारले संघिय सरकार र प्रदेश सरकारको निर्वाचन एकैपटक निर्वाचन गराउने मिति तोकि सकेको थियो,२०७४ साल मङ्सिर १० र २१ गते निर्वाचनका लागि। नेपाली काङ्ग्रेस र सत्ता गठबन्धन सहयात्री पार्टी माओबादी केन्द्र बिच चुनावी तालमेल गर्ने क्रममा बार्ता हुदै थियो।काङ्ग्रेस संग ३० प्रतिशत देशभर प्रतिनिधि माग गरेको अवस्थामा २५ प्रतिशत मात्र दिने काङ्ग्रेसको निर्णयलाई अस्विकार गर्दै ,सत्ता सहयात्री दल नेपाली काङ्ग्रेसलाई थाह नै नदिई (संगै गोडा जोडेर सुतेका सहयात्री) नेकपा एमाले संग ४० प्रतिशत प्रतिनिधि पाउने गरि निर्वाचन गठबन्धन गरेका थिए। नेपाली काङ्ग्रेसलाई कम्युनिस्ट पार्टीको गठबन्धनले निर्वाचन परिणाममा झट्का लागेको कही लुकेको छैन,परिणाम आफ्नो पक्षमा नआए पछि जनमतलाई स्विकार गर्दै प्रतिपक्षमा बस्ने निर्णय गरेको थियो l

२०७४ साल मंङ्गसिर १० र २१ गतेको निर्वाचन परिणामले नेपाली काङ्ग्रेसलाई प्रत्यक्ष निर्वाचन तर्फ २३ सिटमा सिमित गराए पछि ,दुई कम्युनिस्ट पार्टीका अध्यक्षहरू केपी शर्मा ओली र पुष्पकमल दाहाल प्रचण्डले अबको पचास बर्ष सम्म नेपाली काङ्ग्रेसले सत्तामा जाने सपना नदेख्न र नेपाली काङ्ग्रेसको तर्फबाट शेरबहादुर देउवा अन्तिम प्रधानमन्त्री हुने उदघोष गरेको साढे तीन बर्ष बित्न नपाउदै (उनैको भाषामा अन्तिम प्रधानमन्त्री भनिएका शेरबहादुर देउवाको घर बुढानिलकण्ठमा) केपी शर्मा ओली,पुष्पकमल दाहाल प्रचण्ड ,माधवकुमार नेपाल र झलनाथ खनाल धाएको कुरा कही कतै लुकेको छैन,बहुमतको प्रधानमन्त्रीलाई संसद बिघटन गर्ने अधिकार सम्बिधानले दिएको थिएन,दुई/दुई पटक संसद बिघटन पछि सम्मानित सर्वोच्च अदालतले संसद बिघटन असम्बैधानिक घोषणा गर्दै संसद पुनर्स्थापना गरे पछि ,संघिय सरकार र प्रदेश सरकारबाट नेकपा बाहिरिन पुगेको थियो। मिति २०७४ साल मङ्सिर १० र २१ गते भएको निर्वाचन परिणाम सबैको जानकारीका लागि पोष्ट गर्ने जमर्को गरेको छु।

दुई कम्युनिस्ट पार्टीको गठबन्धनमा निर्वाचन लड्दै गर्दा पनि नेकपा एमालेले ३१७३४९४ अर्थात ३३•२५ % मत प्राप्त गरेको थियो भने नेपाली काँग्रेसले ३१२८३८९ अर्थात ३२•७६ % प्राप्त गरेको थियो। प्रत्यक्ष निर्वाचन परिणाम अनुसार नेकपा एमालेले १६५/८० सिट अर्थात ४९ प्रतिशत जित्न सफल भयो, माओबादी केन्द्रले १६५/३६ सिट अर्थात २२ प्रतिशत जित्न सफल भयो। नेपाली काङ्ग्रेसले १६५/२३ सिट अर्थात १४ % मा खुम्च्याउन सफल बनेको मत परिणामले स्पष्ट गरेको लुकेको छैन। समानुपातिक तर्फ नेकपा एमालेले ४१ सिट, नेपाली काङ्ग्रेसले ४० सिट र माओबादी केन्द्रले १७ सिट प्राप्त गरेको देखिन्छ।