राजवंशी भाषिक कविता : “जंगली जन्तुर सरकार”

राजवंशी भाषिक कविता : “जंगली जन्तुर सरकार”

बाँन्दरेर हाते .. लाठी रे भाया
आँकने खुलाए .. दुआर।
हालीमुहाली छे ..देशेर राजनीतिक
बुढा हत्तीलाए .. चलाए सरकार ।।

ना देखे उँचल .. ना देखे खाँदी
ना देखे त .. खेत-पाथाँर ।
जंगली जन्तु त ..आफ्नारे रास्ता फाँटाए
यिड् दुनियाँ से .. कि दरकार ??

बाघभालुला बठिचे .. अड्डा अफिसलात
जनताक आँहारेर बादे .. बेनाए शिकार।
हरिणलाअ हेतिके .. खाँचे माच-मासु ,
फाईल फाईललात .. काँटिए आकार ।।

चितुवाला हेतिके .. बने बहिदार ,
घरेर घरसे .. हाराले नाँकार।
कि लोभे ढुकिल .. जंगलेर राजनीतिकत्
भाँट-बिलाई बन्बेना ..कि यिला नाँकार।।

खेटीयार सँगे मिस्लिल .. घरेर कुकुरला
छाँगल बक्रीलाक .. दिए आछाँर ।
घरते जन्मिले .. जंगलेर भाउँसला जदि,
उड् देशेर हबे .. केनङ्ती सरकार ??

जोगेन्द्र प्रसाद राजवंशी
कचनकवल :- ३, दल्की झापा
हाल :- मलेसिया