काठमाडौं । बीएन्डसी अस्पतालका सञ्चालक दुर्गा प्रसाईंलाई २१ दिनभित्र लिखित जवाफसहित उपस्थित हुन जिल्ला अदालत काठमाडौंले आदेश गरेको छ ।
जिल्ला अदालतका अधिकृत टीकासिंह खत्रीले प्रसाईंलाई लिखित जावफसहित २१ दिनभित्र अदालतमा हाजिर हुन आदेश दिएको जानकारी दिए ।
चिकित्सा शिक्षा आयोगका उपाध्यक्ष डा। श्रीकृष्ण गिरीले आफूले घुस मागेको भन्दै प्रसाईंले आफ्नो मानहानि गरेको भन्दै गाली बेइज्जती तथा मानहानीमा मुद्दा दायर गरेका छन् । सोही मुद्दामा अदालतले प्रसाईंलाई लिखित जवाफसहित हाजिर हुन भनेको हो ।
प्रसाईँले मेडिकल कलेजको सम्बन्धनका लागि निवेदन दिनका लागि गिरिले २० करोड घुस मागेको आरोप लगाएका थिए ।
