रामेछापबाट काठमाडौं आउँदै गरेको बस दुर्घटना हुँदा मृत्यु हुनेको संख्या नौ पुगेको छ । आज बिहान रामेछापको सुनापति गाउँपालिका९ २ हिलेदेविबाट काठमाडौं जाँदै गरेको बा ३ ख ८३९६ न।को यात्रुबाहक बस लुभुघाट नजिकै दुर्घटना भएको हो ।
मृत्यु हुनेमा चार महिला र ५ पुरुष रहेका छन् । मृतकको भने पहिचान भएको छैन । रामेछापका प्रमुख जिल्ला अधिकारी दीपक कुमार पहाडीले दिएको जानकारी अनुसार उक्त बसमा ३० जना यात्रु स वार रहेका थिए ।
दुर्घटनामा परि घाइते भएका २४ जनालाई उपचारका लागि धुलिखेल अस्पताल पठाइएको छ । गम्भीर घाइते ३ जनालाई भने हेलिकोप्टरमार्फत काठमाडौं ल्याइएको उनले बताए ।
