झापा ,१२ साउन । बि एण्ड सि अस्पतालका कार्यकारी निर्देशनक तथा एमालेका केन्द्रिय सदस्य समेत रहेका दुर्गा प्रसाईले कचनकवल घटनाका पीडित परीवारलाई नगदसहित खाद्य सामाग्री उपलब्ध गराएका छ ।
सामूहिक झुन्डिएको अवस्थामा भेटीएका किशोरीहरु कचनकवल- ५ निवासी पंचम गणेशकी १६ वर्षीया छोरी करिना, पुवालु गणेशकी १७ वर्षीया छोरी अञ्जली र बिरबल गणेशकी १६ वर्षीया छोरी कल्पनाको परीवारजनलाई अस्पतालका प्रतिनिधि सहितको टोलीले
नगद २०/२० हजार ,चामल ६०/६० केजी ,दाल ५/५ केजि ,तेल ७ /७ लिटर प्रति परिवार सहयोग गरेको अस्पतालका समन्वय कर्ता दिपेस भट्टराई बताए ।
कचनकवल गाउँपालिका- ५ स्थित पाठामारीको देलेगाउँस्थित सुनकोसी चिया बगानको बयरको रुखमा झुन्डिएको अवस्थामा भेटीएका किशोरीहरुको परिवार अती विपन्न रहेको र काम गर्ने छोरीहरुकै मृत्युले परिवारलाई परेको दु:खद घडीमा युएईमा रहेका निर्देशक प्रसाईले राहत उपलब्ध गराउन अस्पताल लाई भनेपछि अस्पतालका समन्वय कर्ता दिपेस भट्टराई सहितको टोलि राहत सामाग्री लिएर उनीहरुको घरघरमा पुगेको थियोे ।
