काठमाडौं । महिला जबर्जस्तीकरणीको अभियोगमा मुद्दा खेपिरहेका सिद्धबाबा भनिने कृष्णदास गिरी सम्पर्कविहीन भएका छन् । प्रहरीले उपलब्ध गराएको सुरक्षागार्ड फिर्ता पठाएर उनी बेपत्ता भएका हुन् ।
सिद्धबाबाले अनुयायी महिलामाथि बलात्कार गरेको मुद्दा खेपिरहेका थिए । प्रहरीको न्यायिक हिरासत छल्न उनी नर्सिङहोममा बसेका थिए । उनलाई उच्च अदालत विराटनगरले धरौटीमा छाड्न आदेश दिएपछि रिहा भएका थिए ।
जिल्ला प्रहरी कार्यालय मोरङले सिद्धबाबालाई उपलब्ध गराएको पीएसओ फिर्ता आएको जानकारी दिएको छ । उनीविरुद्ध बिहीबार उच्च अदालत विराटनगरमा पेसी थियो ।
