डाँडा माथिकै जुन घाम हुनुहुन्छ आमा
नाम सुन्दा खेरि नै काफी छ नाम आमा
पहिलो गुरु नै पो हुनुहुन्छ सबैको आमा
अनपढ भइ संतानलाई शिक्षा दिने आमा।
सबै विषयको विज्ञ नै हुनुहुन्छ है आमा
छामेरै बिरामी पत्ता लाउनु हुन्छ आमा
जराबुट्टा कुटि औषधी खुवाउने आमा
आधा रोग जाति हुने भन्दा पनि आमा।
जननी जन्म भुमि नै हुन् धर्तीका आमा
भोकै नै बसि छाती चुस्न खटाउने आमा
छाती भित्र सारा सन्तान अटाउने आमा
आधा रोग जाति हुन्छ नाम लिदा आमा।
भारी माथि बोकि गाउँ बेसि नै गर्ने आमा
नानी ताते भनि हिड्न नै सिकाउने आमा
समस्यासँग भिड्न नै सिकाउने गुरु आमा
धर्ती टेकाइ संसार देखाउने जननी आमा।
बिरामी हुँदा दु:खमा भनिन्छ मरेनी आमा
त्यति भन्दा नि दर्द निको हुन्छ भनि आमा
जिवितमा दीर्घायु सुस्वास्थ्य कामना आमा
मृतहरु सबैमा हार्दिक श्रद्धा सुमन आमा।
राज कुमार कार्की
मेचि न.पा.-१५, झापा ।
धन्यवाद ।
शुभ बिहानी ।
